Испания суперкубогининг иккинчи ярим финал учрашуви ҳам ўтказилди. "Реал" ва "Атлетик" жамоалари ўртасида кечган баҳс номинал меҳмонларнинг 2:1 ҳисобидаги ғалабаси билан якунланди.

Бильбаоликлар биринчи бўлимдаёқ, 2 та гол уриб, ҳисобда олдинга ўтиб олди. Дастлаб, бирга-бир вазиятга чиқиб борган Рауль Гарсия ҳисобни очди. Унинг ўзи 38-дақиқада пенальтини аниқ амалга ошириб, дублни расмийлаштирди.

Иккинчи таймда фаолликни оширган мадридликлар ҳисобни қисқартиришга муваффақ бўлди. Катта саҳнага Карим Бензема чиқди. Бироқ Зидан шогирдлари ўйин сўнгига қадар рақиб дарвозасига бошқа йўл топа олмади.

Энди "Атлетик" ҳал қилувчи учрашувда "Барселона"га қарши майдонга чиқади. Ўйин 17 январь санасида бўлиб ўтиши режалаштирилган.

Матнда хатолик топсангиз, ўша хатони белгилаб, бизга жўнатинг (Ctrl + Enter)