"Атлетико" ҳимоячиси ёзда жамоадан кетмоқчи

Мадриднинг "Атлетико" клуби ҳимоячиси Хуанфран яқинлашиб келаётган ёзги трансферлар даврида жамоасини ўзгартириши мумкин. Бу ҳақда Goal.com нашри хабар бермоқда.

Юқоридаги манбаага кўра 34 ёшли футболчи етарли ўйин амалиётига эга бўла олмаётгани сабаб мана шундай қарорга келган. “Матрасчилар” эса тажрибали ҳимоячиси билан амалдаги шартномани узайтиришни режалаштирмоқда. Лекин, Хуанфран клуб раҳбариятининг бу борадаги таклифига мавсум якунида жавоб беришини айтган.

Маълумот учун, Хуанфран “Атлетико” сафида жами 2011 йилдан буён тўп суриб келмоқда. У зтган давр мобайнида жами 351та ўйинда майдонга тушди ва ўз ҳисобига 6та гол ҳамда 39та голли узатма ёздириб қўйишга эришган. Унинг мадридликлар билан амалдаги шартномаси мавсум якунига қадар тузилган.