"Атлетико" Каванини сотиб олишга яна бир бор уруниб кўради

ПСЖ ҳужумчиси Эдинсон Кавани фаолиятини “Атлетико”да давом эттириши мумкин.

AS нашри тарқатган хабарга кўра “матрасчилар” бош мураббийи Диего Симеоне жамоанинг ҳужум чизиғи намойиш этаётган ўйиндан норози ва уни кучайтиришни хоҳламоқда. Айтиш керакки, “Атлетико” бир неча бор Каванини сотиб олишга уруниб кўрган, бироқ ушбу трансфер амалга ошишига якунда нимадир халақит берган.

Эслатиб ўтамиз, бундан аввалроқ Кавани мавсум якунлангач “Манчестер Юнайтед”га эркин агент сифатида кўчиб ўтиши мумкинлиги ҳақида ҳам хабарлар тарқалган эди.