«Атлетико» "Спортинг" футболчисини ўз сафига кўшиб олди

«Спортинг» жамоасининг марказий ҳимоячи яримҳимоячиси Мортен Юльманн фаолиятини «Атлетико» (Мадрид) клубида давом эттиради. Бу ҳақда футбол бозоридаги ишончли манбалардан бири Николо Скира хабар берди.

Аввалроқ маълум бўлишича, «матрасчилар» 27 ёшли яримҳимоячи билан шахсий шартнома борасида тўлиқ келишувга эришган эди.

Манбанинг қайд этишича, эндиликда клублар ўртасидаги барча музокаралар якунланган, битим расман ёпилган. «Атлетико» Юльманн учун 45 миллион евро тўлайди. Керакли ҳужжатларнинг барчаси расмийлаштириб бўлинган.

Ўтган мавсумда Юльманн барча мусобақаларни ҳисобга олган ҳолда 45 та ўйинда майдонга тушди, учта гол урди ва олти марта голли узатма муаллифига айланди.

Шунингдек, таъкидлаш жоизки, Юльманн жорий жаҳон чемпионатида иштирок этмаяпти. Бунга сабаб — Дания терма жамоаси мусобақага йўлланма қўлга кирита олмаган.