"Атлетико" туркиялик ҳимоячига чиқиш эшикларини кўрсатди

Қишки трансферлар ойнасида "Атлетико" Чаглар Сеюнджю бўйича таклифларни эшитишга тайёр, дея хабар тарқатмоқда инсайдер Маттео Маретто. 

Журналистнинг сўзларига кўра, ҳимоячининг ўзи АПЛга қайтишни истайди, лекин ҳали унга Премьер-лигадан таклиф тушгани йўқ. Футболчини ўз таркибига қўшиб олиш учун "Порту" ва "Рома" клублари ҳаракат қиляпти. 

Маълумот учун, 27 ёшли турк ўтган ёзда "матрасчилар" таркибига келиб қўшилган. Унинг клуб билан тузган шартномаси 2027 йилгача амал қилади. Шунингдек, ҳимоячи ушбу мавсум жамоаси таркибида 8 та ўйинда майдонга тушди.