"Атлетико" ва "Интер" бир футболчи учун курашади

Леверкузеннинг "Байер" клуби вингери Леон Бейли Европа грандларининг эътиборига тушди.

Kicker нашрининг маълум қилишича 21 ёшли ямайкалик футболчи учун айни дамда "Интер" ва "Атлетико" Мадрид клублари жиддий кураш бошлаб юборган. Уларнинг ҳар иккаласи ҳам Бейлини яқинлашиб келаётган ёзги трансферлар даврида сотиб олишга уруниб кўришади.

Маълумот учун, Бейли “доришунослар” сафида 2017 йилдан буён тўп суриб келмоқда. У жорий мавсум жами 38та ўйинда иштирок этди ва рақиблари дарвозасига 5та гол уришга эришди. Унинг клуб билан амалдаги шартномаси 2023 йилга қадар имзоланган.