"Атлетико" Влаҳовични ўз сафига қўшиб олмоқчи

Мадриднинг "Атлетико" клуби Туриннинг "Ювентус" жамоаси ҳужумчиси Душан Влаҳовични сотиб олиш йўлларини изламоқда.

Журналист Никола Балиснинг хабарига кўра, "матрасчилар" сербиялик футболчи эвазига "Ювентус"нинг собиқ ҳужумчиси Альваро Мората ёки ярим ҳимоячи Родриго де Паулни таклиф қилишлари мумкин.

Влаҳович билан шартномани узайтириш "Ювентус" раҳбариятининг асосий мақсадларидан бири, аммо ҳужумчи клуб шартларига рози бўлишга шошилмаяпти.

Эслатиб ўтамиз, Влаҳовичга аввалроқ Англия премьер-лигаси клублари, жумладан, Лондоннинг "Арсенал" ва "Манчестер Юнайтед" клублари ҳам қизиқиш билдирган.