"Ayaks" muxlislari 75 ming evro to‘plab, jamoa afsonasiga haykal o‘rnatdi (FOTO)

Amsterdamdagi "Ayaks"ning uy stadionida jamoaning afsonaviy futbolchisi Yoxan Kroyff haykali qad ko‘tardi.

"Yoxan Kroyff Arena"dagi haykal muallifi gollandiyalik mashhur haykaltarosh Xans Yuta hisoblanadi. Uni tayyorlash uchun ketgan barcha xarajat “Ayaks” muxlislari tomonidan qoplandi. Ishqibozlar 3 oy davomida naqd 75 ming evro jamg‘ardi.

Ma’lumot uchun, Kroyff “Ayaks” safida 3 marta Evropa chempionlar kubogini qo‘lga kiritgan va 8 karra Gollandiya chempioni bo‘lgan. U 2016 yilning 24 mart kuni 68 yoshida olamdan o‘tgan.