Bahrayn-2025. Dzyudochilarimiz O‘zbekiston delegatsiyasiga eng ko‘p medal taqdim etdi!

Bahrayn poytaxti Manama shahri mezbonlik qilayotgan yoshlar o‘rtasidagi III Osiyo o‘yinlari O‘zbekiston terma jamoasi uchun muvaffaqiyatli keldi. 

Delegatsiyamiz ushbu kompleks musobaqada 37 ta oltin, 16 ta kumush, 28 ta bronza, jami 81 ta medal bilan umumjamoa hisobida 2-o‘rinni egalladi. Terma jamoamizga eng ko‘p medallarni aynan dzyudochilarimiz taqdim etishdi. Jami 16 nafar dzyudochi bilan qatnashgan terma jamoamiz yakunda 14 ta medalni qo‘lga kiritdi. Shulardan 7 tasi oltin medal bo‘ldi. Dzyudochilarimiz yana 4 ta kumush va 3 ta bronza medaliga ega chiqishdi.

Bu haqda O‘zbekiston dzyudo federatsiyasi matbuot xizmati xabar bermoqda.