Барча йўллар Бухорога олиб боради ёхуд "Андижон" Ўзбекистон Кубоги чорак финалига неча марта чиққан?

Янги мақсадлар сари дадил қадам ташлаётган "Андижон" Ўзбекистон Coca-Cola Кубогида ҳам юришини давом эттираётганидан хабарингиз бор.

3 сентябрь куни “Бургутлар” чорак финалда АГМК клубини қабул қилади. Эътиборлиси, Ўзбекистон Кубоги чорак финалига йўл олган 8 та кучли жамоа орасида про лигадан фақат бизнинг жамоа бор.

Хўш, “Андижон” футбол клуби Ўзбекистон Кубоги тарихида неча маротаба чорак финалга етиб келган? Ушбу савол аксарият мухлисларимизни ҳам қизиқтирмоқда. Ўзбекистон Кубоги тарихидаги ҳозирча энг юқори натижамиз айнан чорак финал бўлиб турибди. Умумий ҳисобда жамоамиз бу босқичга 9 марта етиб келган бўлиб, охирги бор 2018 йили иштирок этган ва ўшанда чорак финалда “Бунёдкор”га имконият бой берилган. Бу сафар “Андижон” ўз тарихида 10-маротаба Ўзбекистон Кубоги чорак финалига йўлланмани қўлга киритди.  

Жамоамизнинг Ўзбекистон Кубоги чорак финалдаги натижалари

1992 йил

Чорак финал

“Наврўз” –“Навбаҳор” – 0:1; 1:3

 

1993 йил

Чорак финал

“Навбаҳор” – “Наврўз” – 4:2; 0:1

 

2000\2001

Чорак финал

“Андижон” – “Нефтчи” – 1:3

 

2001\2002

Чорак финал

“Андижон” – “Қизилқум” – 1:4; 0:5

 

2007 йил

Чорак финал

“Қурувчи” – “Андижон” – 3:0; 1:0

 

2010 йил

Чорак финал

“Бунёдкор” – “Андижон” – 4:1; 3:1

 

2012 йил

Чорак финал

“Андижон” – “Пахтакор” – 1:2; 0:2

 

2016 йил

Чорак финал

“Андижон” – “Насаф” – 0:2; 1:2

 

2018 йил

Чорак финал

“Андижон” – “Бунёдкор” – 1:2   

Кўриб турганингиздек, “Андижон” бу босқичда кучли рақиблар билан рўбаро келган. Ўша пайтларда кўпроқ уч-сафар тизимида ўтказилган ва яна баъзида ғолиб битта ўйинда аниқланган.

Буларнинг барчаси тарихда қолди. “Андижон” клуби энди янги саҳифа очяпти. Ярим финал остонасида турган жамоамиз нохуш анъанага чек қўйиш учун ажойиб имкониятга эга. Чунки биз 3 сентябрь куни ўз майдонимизда Ўзбекистонда тенгсиз бўлган ашаддий мухлисларимизнинг қаршисида ўйнаймиз. Шу сабабли тарихни бирга яратиш учун ҳам ушбу ўйин жуда муҳим ва аҳамияти жиҳатидан ҳам юқори.

Жамоамиз бугундан АГМКга қарши ўйин учун тайёргарликка киришади. Шунинг учун барча эътибор чорак финалдаги баҳсга қаратилиши шубҳасиз.

"Андижон" матбуот хизмати.

Фикрлар

Фикр қолдириш учун авторизациядан ўтинг!