Барибир, қария Роналдудан зўри йўқ!

Англия премьер-лигаси расмий сайти “Манчестер Юнайтед”нинг 37 ёшли  ҳужумчиси Криштиану Роналду лиганинг апрель ойидаги энг яхши футболчиси, деб топилганини эълон қилди.

Бу Роналдунинг жорий мавсумдаги иккинчи эътирофидир. Португалиялик юлдуз сентябрь ойида ҳам лиганинг энг зўр ўйинчиси бўлганди.

Роналду фаолияти давомида Англия премьер-лигасида жами олти маротаба ойнинг энг яхшим ўйинчиси, деб эътироф этилди ва бу кўрсаткич бўйича турнир рекордчилари Ҳарри Кейн ва Серхио Агуэрога тенглашиб олди.

Криштиану апрель ойи давомида премьер-лигада олтита учрашувда рақиблар дарвозасини беш маротаба ишғол қилди.

Бутун мавсум давомида эса, тажрибали тўпурар барча турнирларда 39  маротаба майдонга тушиб, 24 та гол ва уста ассист муллифи бўлган.