"Барса" ашаддий рақиб "Реал" трансферидан қарийб бир ярим миллион евро фойда кўради

"Челси"дан Мадриднинг "Реал"га клубига ўтаётган Марк Кукурелья трансфери "Барселона"га ҳам молиявий фойда келтиради. Mundo Deportivo нашри хабарига кўра, каталонияликлар мазкур битимдан 1,35 миллион евро ишлаб олади.

ФИФА механизмига мувофиқ, трансфер учун тўланадиган умумий миқдорнинг 5 фоизи футболчини тарбиялаган ва унинг ўсишига ҳисса қўшган клублар ўртасида тақсимланади. 

Шу тартибга кўра, Кукурелья ўйнаган жамоалардан "Эспаньол" 275 минг евро олади. "Хетафе" ҳиссаси 550 минг еврони ташкил этади. "Брайтон"га ҳам 275 минг евро тўланади. Энг катта улуш – 1,35 миллион евро эса "Барселона"га тегишли бўлади.

Эслатиб ўтамиз, Марк Кукурелья "Реал" билан олти йиллик шартнома имзолагани маълум қилинган эди.