“Барса” асосий таркибнинг 8 футболчисидан воз кечди

“Барселона”ни катта ўзгаришлар кутяпти. Янги раҳбарият жамоага фойдаси кам тегаётган футболчилар қаторида катта маош олаётганларидан ҳам қутилишга қарор қилди.

Аввалроқ, каталонияликлар ярим ҳимоячилар Филиппе Коутиньо, Миралем Пьянич, ҳимоячи  Самюэль Умтити ва дарвозабон Нетони трансфер қилишини билдирганди.

Энди жамоадан кетиши керак бўлганлар қаторига Карлес Аленья, Хиниор Фирпо, Рикардо Пуч ва Антуан Гризманн қўшилди. Бу футболчилар орасида Гризманн ва Коутиньо катта маош олиши билан ажралиб туради. Қолган ўйинчилар эса асосий таркибда муқим жойига эга эмас.

“Барселона” хўжайинлари бу трансферлардан келадиган маблағни эркин агент сифатида Каталонияга келиши кутилаётган Жорижиньо Вейналдум, Мемфис Депай, Эрик Гарсиянинг маошларига йўналтирмоқчи.

Бундан ташқари, каталонияликлар бошқа трансферларни ҳам амалга ошириши кутилмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар