"Barsa" Bernardu Silvani qoʻldan chiqarqach, boshqa pleymeyker topdi
«Barselona» klubi sprt boʻlimi mutasaddilari «Valensiya» yarim himoyachisi Xavi Gerrani qoʻlga kiritish imkoniyatini koʻrib chiqmoqda.
El Nacional nashrining xabar berishicha, kataloniyaliklar «Manchester Siti»dan ketgan Bernardu Silva bilan kelisha olmaganidan soʻng, 23 yoshli ispan futbolchisi nomzodiga jiddiy eʼtibor qarata boshlagan.
Maʼlumotlarga koʻra, jamoa murabbiylar shtabi va klub rahbariyati Xavi Gerrani yozgi transfer oynasining asosiy maqsadlaridan biri sifatida koʻrmoqda. U «Barselona» yarim himoyasini kuchaytirish uchun asosiy emas, balki muhim alternativ variant sifatida baholanmoqda. Shu bois Kataloniya klubi transfer rejalarini qayta koʻrib chiqib, Gerrani olib kelish boʻyicha dastlabki ishlarni boshlab yuborgan.
Xavi Gerra oʻtgan 2025/2026 yildgi mavsumda «Valensiya» tarkibida barcha musobaqalar doirasida 40 ta oʻyinda maydonga tushdi, 4 ta gol urdi va 6 ta golli pas berdi. Uning amaldagi shartnomasi 2029 yil 30 iyuniga qadar moʻljallangan boʻlib, bu transfer muzokaralarini yanada murakkablashtirishi mumkin.
Fikrlar