“Барса” де Йонгга нисбатан инсофсизлик қилмоқда

Испания нашрлари "Барселона" ярим ҳимоячи Френки де Йонгга нисбатан ноинсофлик қилмоқда, деб ҳисоблайди.

"Барселона" ва футболчи ўртасидаги “сериал” бир неча ҳафталардан бери давом этмоқда. Аввалига Каталония клуби бош мураббийи Хави янги мавсумда де Йонгга ишонч билдириши ҳақида хабарлар тарқалди. Ушбу вазиятда "Манчестер Юнайтед" унга жиддий қизиқиш билдирган ва томонлар голландияликнинг розилигисиз трансфер бўйича келишиб олгани айтилди. Бироқ де Йонг бунга қатъиян рад жавобини берган. Шундан сўнг, "Барселона" ярим ҳимоячидан 20 миллион еврога яқин қарзи борлиги ва ушбу пулни тўламаслик мақсадида Френкидан қутулишга уринаётгани ҳақида маълумотлар пайдо бўлди.

"Барселона"нинг қилаётган ишлари ғалати. Бу ахлоқий жиҳатдан нотўғри. Де Йонг маоши қисқартиришга рози бўлди. Улар футболчини ўзини айбдор ҳис қилишига ҳаракат қилмоқда. "Барселона"ни бунчалик ёмон ўйин намойиш  этаётгани де Йонгнинг айби ҳам, муаммоси ҳам эмас", - дейилади испан ОАВида

Де Йонг келажаги ҳали ҳам аниқ эмас. Эҳтимол, яқин вақт ичида барчасига ойдинлик киритилиши мумкин.