“Барса” футболчилари Неймар учун маошидан воз кечган
“Барселона”нинг собиқ директори Хавьер Бордас Неймар Каталонияга қайтишга жуда яқин келганини айтди.
- Биз Неймарни қайта қўлга киритишга жуда яқин эдик. Унинг ўзи ҳам “Барселона”га келишига амин эди. Айрим футболчилар Неймарнинг келиши учун маошларининг камайтирилишига ҳам розилик берганди. Сўнгги паллада ПСЖ билан трансфер суммасини келиша олмадик, - дейди Бордас.
2017 йили рекорд сумма – 222 миллион евро эвазига ПСЖга кўчиб ўтган бразилиялик футболчи яқингача Каталонияга қайтиш орзусида эди. Ҳозир ҳам у фаолиятини қаерда давом эттириш бўйича якуний қарорга келмаган.
Неймарнинг парижликлар билан ҳамкорлиги 2022 йилнинг ёзигача давом этиши расмийлаштирилган.
Фикрлар