“Barsa” futbolchisi APL klubiga o‘tishga tayyor

“Barselona” yarim himoyachisi Frenki de Yongning kelajagi hamon noma’lumligicha qolmoqda. Futbolchiga “Manchester Yunayted” jiddiy qiziqish bildirmoqda. Ammo Frenki mankunianliklar safiga o‘tishni istamayapti. 

Italiyalik jurnalist Nikolo Skiraning xabariga ko‘ra, "Chelsi" ham yarim himoyachi uchun "Barselona"ga dastlabki taklifini jo‘natgan.

Gollandiyalikning London klubiga o‘tish ehtimoli baland. Boisi, insayder Jerar Romero futbolchi “Chelsi” bilan shartnoma imzolashga tayyor ekanligini ma’lum qilgan.

Eslatib o‘tamiz, De Yongning transfer summasi taxminan 80-90 million evroni tashkil qiladi. Gollandiyalik futbolchi "Barselona"ni tark etishni istamayapti, ammo klub moliyaviy muammolari tufayli Frenkidan voz kechmoqchi ekanligini ma’lum qilgan.