"Барса" футболчиси Роналду билан учрашишни кутяпти

Испания терма жамоаси ва "Барселона" марказий ҳимоячиси Пау Кубарси Португалия терма жамоаси юлдузи Криштиану Роналдунинг футболкасини қўлга киритиш орзуси борлигини очиқ айтди.

Испания ва Португалия жамоалари жаҳон чемпионати 1/8 финал босқичида тўқнаш келади. 

- Португалияга қарши ўйиндан сўнг Роналду билан футболка алмаштиришни жуда истардим. Лекин, эҳтимол, бу истак фақатгина менда эмас – унга навбат жуда катта бўлади, – деди Пау Кубарси Barca Universal нашрига.

Эслатиб ўтамиз, Испания 1/16 финалда Австрияни йирик ҳисобда мағлуб этганди (3:0). Португалия эса Хорватия устидан сўнгги дақиқаларда урилган гол ҳисобига ғалаба қозонди (2:1).