"Barsa" himoya markazini "Siti"ning yosh himoyachisi bilan kuchaytiradi

"Barselona" himoya chizigʻini kuchaytirish rejasida navbatdagi nomzodni koʻrib chiqmoqda. Kataloniya klubi "Manchester Siti"ga tegishli boʻlgan braziliyalik markaziy himoyachi Vitor Reis bilan jiddiy qiziqyapti.

Sport.es nashri yozishicha, "Barselona" rahbariyati futbolchining atrofidagi vaziyatni yaqinidan kuzatib bormoqda. Jamoa bosh murabbiyi Hans-Diter Flik ham Reisni ehtimoliy yangi transfer sifatida qoʻllab-quvvatlayotgani qayd etilmoqda. 

Germaniyalik mutaxassisga himoyachining texnik imkoniyatlari va uslubi maʼqul kelmoqda, chunki u "Barselona" oʻyin uslubiga mos, deb baholanmoqda.

Klub murabbiylar shtabi Vitor Reisning toʻp bilan ishlashdagi xotirjamligi, aniq uzatmalari va hujumni orqadan boshlab berishdagi jasurligini alohida qadrlamoqda. Hozirda futbolchi shartnoma jihatdan "Manchester Siti"ga tegishli, ammo oʻtgan mavsumni u Ispaniya chempionatida «Jirona» tarkibida ijara asosida oʻtkazgan edi.

Eslatib oʻtamiz, "Barselona" oʻtgan mavsumda La Liganing zafarli yakunlab, mamlakat chempioni boʻlgan.