“Barsa” hujumida Messi va Mbappe o‘ynaydi

“Barselona” rahbariyati bosh murabbiylikka Xavi Ernandesni olib kelgach, endi jamoa tarkibini sezilarli darajada kuchaytirishga harakat qiladi.

Kataloniya klubi prezidenti Joan Laporta direktorlar kengashi vakillari bilan birga Lionel Messini qaytarish va Kilian Mbappeni transfer qilish borasidagi imkoniyatlarni muhokama qilddi.

- Messini qaytarish klub oldida turgan eng ustuvor masala hisoblanadi. Shuningdek, Kilian Mbappeni ham “Real”ga o‘tmasidan Kataloniyaga olib kelamiz. Bu juda murakkab masala ekani aniq, - dedi klub direktorlaridan Torrexon.

PSJ hujumchisi Kilian Mbappe mavsum oxirida erkin agentga aylanadi. Agar parijliklar shu yil oxirigacha uni yangi bitimga ko‘ndira olmasa, yanvardan boshlab, Mbappe boshqa klublar bilan rasmiy muzokaralarga kirishish huqiqa ega bo‘ladi.