“Барса” Мессини қайтариш шартларини айтди. Лео бунақасига кўнармикин?

Mundo Deportivo нашри ПСЖдан Лионель Мессини қайтаришни режалаштираётган “Барселона” раҳбарияти аргентиналик юлдузга бир неча талабларни қўяётгани ҳақида хабар тарқатди.

Каталония клуби хўжайини Жоан Лапорта ва бош мураббий Хави Эрнандес Лионель Месси клуб талабларини қабул қилган тақдирда ортга қайтиши мумкинлигини таъкидламоқда.

Биринчи навбатда, Месси ўзи оладиган маошнинг катта қисмидан воз кечишига тўғри келади. Бундан ташқари, аргентиналик юлдуз майдонда Хави унга ажратадиган ролга розилик бериши керак.

Месси “Барса”да энг асосий фигура бўла олмайди, клубдагилар қария футболчи жамоа етакчиларига айланаётган Педри ва Гавининг ўсишини тўсиб қўйишини истмаяпти.

Жоан Лапорта Месси клубга маркетинг бўйича катта фойда келтиришини ҳисобга олиб, уни Каталонияга қайтармоқчи бўляпти. Чунки Месси қайтса, клуб имиджи кўтарилади.