"Барса" туркиялик ярим ҳимоячини сотиб олмоқчи

Марсело Брозовични қўлга кирита олмаган "Барса" бошқа вариантларни кўриб чиқмоқда. Улар орасида "Фенербахче" футболчиси Арда Гюлер фаворит бўлиб турибди, дея хабар бермоқда Испания нашрлари. Бу миш-мишларни клуб президенти Жоан Лапорта ҳам тасдиқлади. 

"Арда Гюлер жуда иқтидорли футболчи ва биз у билан шартнома имзолаш учун ҳаракат қилмоқдамиз. Деко айни дам Туркияда", - деди 61 ёшли испан. 

"Барса" 18 ёшли ярим ҳимоячига қизиқиш билдираётган ягона клуб эмас. Курашда "Реал" ва "Арсенал" каби жамоалар ҳам бор. Футболчининг товон пули 15 миллион фунт бўлиб турибди.