“Барса” учун супертўпурар нархини уч баравар туширишди

А Серия иштирокчиси “Милан” ҳужумчиси Рафаэл Леау фаолиятини Испания чемпионатида давом эттириш имкониятига эга бўлди.

Corriere della Sera нашри маълумотига кўра, португалиялик футболчининг хизмати “Барселона”га таклиф қилинган, Каталония клуби эса унга аввалдан қизиқиб келган.

Португалиялик форварднинг миланликлар бош мураббийи Массимилиано Аллегри билан муносабатлари таранг ва жамоа қолишни истаймайди.

Леаунинг трансфери учун бадал пули 170 миллион еврони ташкил этиши белгиланган, бироқ “Милан” вазиятдан чиқиш учун ҳужумчини 50 миллион евро эвазига сотиб юборишга тайёр.

Рафаэл Леау 2019 йилда “Лилль”дан “Милан”га 49 миллион евро эвазига ўтган. Унинг шартномаси 2028 йилнинг 30 июнигача амал қилади.

Жорий мавсумда ҳужумчи “Милан” сафида барча мусобақаларда 25 та ўйинда иштирок этиб, 10 та гол урди ва 2 та голли узатма амалга оширди.