"Барса" ва "Реал" Испания Суперкубоги учун кураш олиб боради. Финал қачон?

Испания Суперкубогида ярим финал учрашувлари бўлиб ўтди. 

Дастлаб, "Реал" "Валенсия" билан куч синашди. Учрашувнинг асосий ва қўшимча дақиқаларида 1:1 ҳисоби қайд этилди. Пенальтилар сериясида эса "қироллик клуби" 4:3 ҳисобида "кўрпашалаклар"дан устун келди. 

"Бетис" - "Барселона" тўқнашувининг ҳам асосий вақти 1:1 ҳисобида якунланди. Экстра таймларда ҳам жамоалар биттадан гол алмашиб олди (2:2). Мазкур беллашув тақдири ҳам серияда ҳал бўлди ва унда Хави шогирдлари 4:2 ҳисобида зафар қучди. 

Шу тариқа, Испания Суперкубоги финалида мухлислар "эл-класико" гувоҳи бўлади. Ушбу баҳс 15 январь тунги соат 00:00да старт олади.