“Барса” яшириб юрган юлдузчани “Челси” олиб кетмоқчи

“Челси” ёш футболчиларга алоҳида қизиқиш билан қараши одатий ҳолга айланган. “Аристократлар” скаутлари “Барселона” академиясида тарбияланатган Пау Кубарсининг салоҳияти ҳақида клуб раҳбарларига маълумот киритди.

16 ёшли Пау Жиронада туғилган ва шу шаҳарнинг ўзида футбол сир-асрорларини ўргана бошлаган. У беш йил муқаддам “Барса” академиясига қабул қилинди. 2023 йилнинг апрелида Хави Эрнандес уни “Барселона”нинг асосий таркиби билан шуғулланишга жалб қилди. Орадан уч ой ўтиб, у клуб билан биринчи профессионал шартномасини имзолади.

Маълумотларга қараганда, Хави Эрнандес ҳам марказий ҳимояда ишончли ўйнай оладиган Паунинг иқтидорини юқори баҳолаяпти ва яқин келажакда уни ҳам асосий жамоада ўйнатмоқчи.

Шундай бўлса-да, “Челси” мутасаддилари иқтидорли футболчини ўз сафига қўшиб олишга ҳаракат қилади.