“Барса” юлдузи Англияга отланди

“Барселона” билан шартномаси охирига етиб бораётган Усмон Дембелега Англиядан қўнғироқ бўлди.

Football London нашрининг хабар беришича, ҳужумкор футболчини “Арсенал” ўз сафига қўшиб олишга тайёр. Айни пайтда “канонирлар” Дембеленинг агенти билан музокараларни давом эттирмоқда.

Хави франциялик футболчини Каталонияда олиб қолишга уриняпти. Бироқ клуб мутасаддилари ўйинчи билан маош борасида бир тўхтамга кела олмаяпти.

Дембеле Испания чемпионатида 18 та учрашувда қатнашиб, битта гол ва 11 та ассист муаллифи бўлди. Каталонияликлар 2017 йили уни “Боруссия”дан олиш учун дортмундликларга 140 миллион евро тўлаган.