“Барса” юлдузи клубнинг ғирромлигидан ғазабда

“Барселона”нинг энг тажрибали футболчиларидан бири Жорди Альба клуб раҳбариятининг ўзига бўлган муносабатидан норози бўлмоқда.

Diario Sport нашрининг хабар беришича, тажрибали ҳимоячи асосий таркибга киритилмаяпти. Унинг ўзи спорт формаси юқори эканини, тезкорлик ва чидамлилик борасидаги кўрсаткичлари ҳеч кимникидан кам  эмаслигини ва асосий таркибга лойиқ эканини таъкидламоқда.

Альба Испания терма жамоаси сафида Швейцарияга қарши ўтказилган учрашувда тўлиқ ҳаракат қилди ва рақиб дарвозасига гол уришни ҳам уддалади.

33 ёшли футболчининг каталонияликлар билан шартномаси 2024 йилнинг ярмигача имзоланган ва у битимни сўнгги кунигача клубда қолишини таъкидлади.