“Barsa” zo‘r futbolchiga “konkret” taklif berdi

“Barselona” rahbariyati “Sevilya” himoyachisi Jyul Kunde transferi bo‘yicha yurish boshladi.

Kataloniyaliklar frantsiyalik futbolchi transferi bo‘yicha “Sevilya”ga aniq taklif berdi.

- “Barselona” rahbariyati Jyul Kundeni olish maqsadida “Sevilya”ga 40 million evro va niderlandiyalik hujumchi Memfis Depayni bermoqchi, - deb xabar tarqatdi Fichajes nashri.

Kundega kataloniyaliklardan  tashqari “Tottenxem”, “Manchester Siti” va PSJ kabi qudratli klublar ham ko‘z tikkan.

Frantsiyalik himoyachi Ispaniya chempionatida 32 ta uchrashuvda qatnashib, o‘z vazifasini bajarishdan tashqari, ikkita gol va bitta assist qayd etishni ham uddaladi.