“Барса”даги жойини сақлаб қолган Хави биринчи қайси юлдуздан қутилиши аниқ бўлди

Мавсум охирида “Барселона”ни тарк этишини маълум қилган Хави Эрнандес фикридан қайтди ва келаси мавсум ҳам бош мураббий вазифасини бажариши расман эълон қилинди.

Испаниялик мутахассис ёзда таркибда жиддий ўзгаришларни амалга оширишни режалаштирмоқда.

AS нашрининг маълум қилишича, биринчи бўлиб, нидерландиялик ҳужумкор футболчи Френк де Йонг сотиб юборилади.

Бу плеймейкер жамоанинг энг қимматбаҳо ўйинчиларидан бири сифатида энг катта маошлардан бирини олиб келмоқда.

Қизиғи шундаки, Хави Эрнандес аввал ҳам Френки де Йонгни сотиб юборилиши тарафдори бўлган ва “Манчестер Юнайтед”нинг таклифини қабул қилганди. Бироқ ўшанда футболчининг ўзи Каталонияни тарк этишдан бош тортган.

Экспертлар клуб билан 2026 йилнинг ёзигача давом этадиган шартномага эга бўлган ўйинчи жамоада қолиш учун маошининг катта қисмидан воз кечиши кераклигини таъкидламоқда.