“Барса”га ўтиб хато қилибман, мени кечиринглар!

“Атлетико”нинг тўлақонли аъзосига айланган Антуан Гризманн Испания чемпионатининг 9-турида “Атлетик” дарвозасини ишғол қилиб, жамоасига муҳим ғалабани келтирди.

Франциялик ҳужумчи 2019 йили жамоани ташлаб, “Барселона”га ўтиб кетгани учун мадридлик мухлислардан узр сўради.

- “Атлетик” билан бўлган ўйинда бутун жамоа ақлбовар қилмас ишларни амалга оширди. Биз бир жамоадек ҳаракат қилдик.

“Атлетико” билан битим тузиб, клубнинг тўлақонли аъзосига айланганимдан беҳад хурсандман. Шу билан бирга кечирим сўрамоқчиман. Одамларга зиён келтирган бўлсам, узр сўрайман. Бунинг энг яхши жавоби майдонда қўлимдан келганини кўрсатиш. Биз тўғри йўлдамиз, - деди Антуан Гризманн.