“Barsa”ga o‘tib xato qilibman, meni kechiringlar!

“Atletiko”ning to‘laqonli a’zosiga aylangan Antuan Grizmann Ispaniya chempionatining 9-turida “Atletik” darvozasini ishg‘ol qilib, jamoasiga muhim g‘alabani keltirdi.

Frantsiyalik hujumchi 2019 yili jamoani tashlab, “Barselona”ga o‘tib ketgani uchun madridlik muxlislardan uzr so‘radi.

- “Atletik” bilan bo‘lgan o‘yinda butun jamoa aqlbovar qilmas ishlarni amalga oshirdi. Biz bir jamoadek harakat qildik.

“Atletiko” bilan bitim tuzib, klubning to‘laqonli a’zosiga aylanganimdan behad xursandman. Shu bilan birga kechirim so‘ramoqchiman. Odamlarga ziyon keltirgan bo‘lsam, uzr so‘rayman. Buning eng yaxshi javobi maydonda qo‘limdan kelganini ko‘rsatish. Biz to‘g‘ri yo‘ldamiz, - dedi Antuan Grizmann.