“Барса”ни ўзгартираётган Куман жамоани кучайтирадиган футболчи топди

“Барселона” бош мураббийи Рональд Куман таркибни ёшартириш бўйича бошланган ишларни жавом эттирмоқда. Хусусан, нидерландиялик мутахассис ҳимоя чизиғида ёш, тезкор ва чаққон футболчиларни ўйнатмоқчи.

Биринчи навбатда, каталонияликлар эркин агентга айланиб, клубга текин келадиган “Манчестер Сити” ҳимоячиси Эрик Гарсияни кутмоқда. Куман клуб раҳбариятидан унинг ёнига “Марсель”да ўйнаётган Бубакар Камарани олиб келишни сўраяпти. Бу икки футболчи ёши ўтиб қолган Жерар Пике ва жароҳатларга мойил Самюэль Умтитининг ўрнини эгаллайди.

Камаранинг “Марсель” билан амалдаги шартномаси 2022 йилнинг ёзигача давом этишини инобатга олиб, “Барса” раҳбарияти 21 ёшли футболчини ёзги трансферлар вақтида арзонроқ нархга харид қилмоқчи.