“Барса”нинг беш юлдузини Саудияга олиб кетишади

Саудия Арабистони профессионал лигаси клублари “Барселона”нинг беш нафар футболчисини ўз сафларига қўшиб олиш учун ҳаракат бошлади.

Sport нашрининг маълум қилишича, шайхлар нишони  Рафинья, Френки де Йонг, Андреас Кристенсен, Ансу Фати ва Роберт Левандовскига қаратилган.

Бу ўйинчилар орасида Ханс-Дитер Флик қўллаётган тактик схемада асосий фигурага айланган Рафиньяга қизиқиш айниқса жиддий бўлмоқда. Каталонияликлар яхши нарх таклиф қилинса, бразилиялик футболчини қўйиб юборишга тайёр.

Роберт Левандовски ҳам тўпурарлик маҳоратини намойиш қилаётганига қарамай, ёши ўтиб бормоқда ва клуб унинг ўрнига бошқа ҳужумчи қидираётганини билади.

Френки де Йонг, Ансу Фати ва Андреас Кристенсен каби ўйинчилар германиялик бош мураббий ишончини етарли даражада қозона олмади.