"Барселона" - "Алавес": Матнли трансляция
Испания Ла Лигаси 23-туридан ўрин олган "Барселона" - "Алавес" учрашуви бошланиш арафасида. Ўйинни сайтимиз орқали матнли кўринишда кузатиб боришингиз мумкин. Матнли трансляцияни Абдулла Маннонов олиб боради.
- 90+1'
Учрашув якунланди! "Барселона" ўз уйида "Алавес"ни тор-мор этди. Матнли трансляцияни Абдулла Маннонов олиб борди.
- 90+'
Учрашув асосий вақтига 1 дақиқа вақт қўшиб берилди.
- 89'
Тринкаонинг голи офсайд сабаб инобатга олинмади! Хет-трик бўлиши мумкин эди!!!
- 85'
Хуниор Фирпо хавфли ўйнади. Ҳакам оғзаки огоҳлантирди.
- 83'
"Барселона"да ўзгариш: Антуан Гризманн ўрнига Усмон Дембеле ўйинга қўшилди.
- 82'
Яна бир ўзгариш: Лукас Перес ўрнига Борха Сайнс майдонга тушди.
- 81'
"Алавес"да ўзгариш: Хоселу ўрнига Дейверсон ўйинга қўшилди.
- 79'
ГОООООООООООООООООООООЛЛЛЛ!!! Браво! Белиссимо! Месси Гризманнга тўпни парашют кўринишида етказиб берди, ўткир бурчакдан берилган пасни эса Фирпо бўш дарвозага жойлаб қўйди!
- 77'
Антуан Гризманн ўйин қоидасини бузди. Ҳакам фол қайд этди.
- 75'
ГООООООООООООООООООООООООООЛЛЛЛ!!!! Фантастика! Месси жарима майдони ташқарисидан туриб дарвозага кучли зарба берди! Дарвозабон зарбани шунчаки жойида туриб томоша қилди! Супер гол! Дубль. 4-1!
- 74'
ГОООООООООООООООЛЛЛ!!! Месси жарима майдончаси ичига ёриб кирди ва зарба берди, дарвозабон қайтарди! Қайтган тўпни Тринкао дарвозага михлаб қўйди! 3-1!
- 73'
"Алавес"да ҳам ўзгариш: Пере Понс Томас Пиньянинг ўрнига ўйинга қўшилди.
- 72'
"Барселона"да 2 ўзгариш амалга оширилди: Мингеза ва Де Йонг ўрнига Пьянич ҳамда Дест ўйинга қўшилди.
- 71'
Риоха 2 га 1 вазиятга чиқиб кетиши мумкин эди, бироқ сўнгги пасни Умтити бартараф этди.
- 70'
Рикки Пуч жарима майдончаси ичига тўпни етказиб берди! Дарвозабон Фернандо Пачеко тўпни ушлаб олди!
- 69'
"Барселона" тўпни назорат қилмоқда. Рақиб хатоси пойланяпти.
- 66'
Гризманн жарима майдончаси ичида тўпни қабул қилиб олди ва дарвозага зарба берди! Тўп устуннинг ёнгинасидан ўтиб кетди.
- 64'
"Барселона" Илайс Мориба ўрнига Педри ўйинга қўшилди.
- 63'
"Барселона" бурчакдан тўпни тезкорлик билан ўйинга киритиб берди, позицион ҳужум уюштирилмоқда.
- 62'
Лионель Месси жарима майдончаси ичига тўпни узатиб берди, ҳимоячилар уни қайтарди.
- 57'
ГОООООООООООООООЛЛЛ!!! "Алавес" ҳисобни қисқартирди! Риоха ҳимоячининг хатосидан унумли фойдаланиб дарвозани ишғол қилди!
- 56'
Лукас Переснинг жарима майдончаси ичига узатган тўпи зарбага айланиб кетди! Лекин унга аниқлик етишмади.
- 54'
"Барселона" ўз майдонида тўпни назорат қилмоқда. Позицион ҳужум уюштирилмоқда.
- 52'
Тачи сариқ карточкаси учун сариқ карточка билан огоҳлантирилди.
- 50'
Жарима зарбасидан берилган зарба бироз юқорилаб кетди! Тўп "Алавес"га қайтди.
- 49'
Хуниор Фирпо жамоасига жарима зарбаси ишлаб берди! Месси тўп олдида!
- 48'
Лукас Переснинг ўткир бурчакдан берган зарбаси бироз юқорилаб кетди.
- 47'
Йўқ, ўхшамади. "Барса" тўпни эгаллаб олди.
- 46'
Мингеза "Алавес" футболчиси Риохага нисбатан ўйин қоидасини бузди. Меҳмонларда хавфли вазият юзага келиши мумкин.
- 46'
Иккинчи бўлим бошланди!
- 45'
Футболчилар майдонга чиқиб келишмоқда. Биз ҳам қайтамиз.
- 45+2'
Биринчи бўлим якунланди. Ҳозирча ҳисоб 2:0. Танаффус.
- 45+1'
ГОООООООООООООООООООЛЛЛ!!! Мессидан супергоооол! Жарима майдони ташқарисидан яқин пастги бурчакни нишонга олди! Тўп устунга тегиб дарвоза тўридан жой олди! 2:0!
- 45+'
Биринчи бўлимга 2 дақиқа вақт қўшиб берилди.
- 44'
Месси яна тўп олдида. Хавфли вазият юзага келмади.
- 43'
Тўпни ҳимоячилар яна бир бор бурчакка чиқариб юборишди. Такрорий бурчак тўпи.
- 42'
"Барселона" бурчакдан тўпни ўйинга киритиб беради. Месси тўп олдида.
- 39'
Бурчакдан тўпни ўйинга Лукас Перес киритиб берди, Тер Штеген тўпни биринчи эгаллаб олди.
- 38'
ВАР голни инкор қилди! Гризманн тўп узатилган пайтда ўйиндан ташқари ҳолатда турган экан.
- 37'
ГООООООООООООООООЛЛЛ!!! Месси хисобни 2:0 кўринишига келтириб қўйди!
- 36'
Тринкао яқин масофадан зарба берди ва дарвозабон тўпни қайтарди.
- 28'
ГОООООООООООООООООЛЛЛ!!! Ўйиндаги дебютант Мориба жарима майдончаси ичидаги палапартишликлар пайтида очиқ турган Тринкаони тўп билан таъминлади, Франсишку эса пушка зарбаси билан дарвозани ишғол қилди!
- 27'
Тер Штегендан фантастик сейв! Родриго Батталья ажойиб вазиятдан фойдалана олмади!
- 24'
Лукас Перес бурчакдан тўпни ўйинга киритиб берди, тўп анча узоққа кетиб қолди.
- 22'
Флориан Лежен ўйин қоидасини бузди. Ҳакам "Барса" фойдасига жарима зарбаси белгилади.
- 21'
Тринкаога нисбатан ўйин қоидаси бузилди. Жарима зарбаси.
- 19'
Устунлик каталонияликларда. Ҳозирча, фақат "паслар серияси".
- 18'
Дуарте бироз шикастланган, бироқ у ўйинни давом эттира олади. Ўзгариш ҳозирча, бўлмайди.
- 17'
Рубен Дуарте тўқнашув натижасида шикастланди ва тиббий ёрдам олмоқда. Мажбурий ўзгариш кўришимиз мумкин.
- 16'
Мессига нисбатан очиқдан-очиқ ўйин қоидасини бузиб, футболкасидан тортиб қолган Мартин сариқ карточка билан огоҳлантирилди!
- 14'
Иньиго Кордоба жарима майдончаси ичига тўпни етказиб берди, ҳимоячиларга ёрдамга келган Гризманн тўпни узоқлаштирди!
- 13'
Хуниор Фирпо офсайдда қолиб кетди.
- 12'
"Барселона" тўпни назорат қилмоқда. Устунлик юқори.
- 11'
Месси жарима зарбасини ижро этди, узун пасни қабул қилиб олган Фирпо ўткир бурчакдан зарба берди! Ҳимоячилар бу сафар ҳам амаллашди.
- 10'
Мориба битта пас билан шеригини олдинга чиқариб юбормоқчи эди, бироқ ҳимоячилар яхши ўйнади.
- 9'
Хуниор Фирпо жарима майдони ичида йиқилиб тушди. Ҳакам ўйинни давом эттиришга руҳсат берди.
- 8'
Лукас Перес "Алавес"нинг қарши ҳужумини ноаниқ зарбаси билан якунлаб қўйди.
- 7'
Месси жарима майдони ичига ёриб кирди, дарвозабон анча олдинга чиқиб кетгани боис тўғридан-тўғри зарба берди! Дарвозабондан дабл-сейв!
- 6'
Фирпо жамоанинг узоқ вақт уюштирган ҳужумини тўхтатиб қўйди.
- 5'
"Барселона" аъзолари "Алавес" майдонида тўпни бир-бирига узатган ҳолда позицион ҳужум ташкил этишяпти. Жамоа тезкор гол ҳаракатида.
- 4'
Тринкао ўнг қанотдан жарима майдончаси ичига ёриб кирди ва зарба берди! Зарбага бироз аниқлик етишмади.
- 3'
"Барселона" футболчиси Мориба 2-қаватда бўлган тўп учун курашда мағлуб бўлди.
- 2'
Тринкао жарима майдони ичидаги палапартиш вазият ичида Гризманнга тўпни етказиб берди, 1 ҳимоячини алдаб ўтган Антуан яхши зарба берди! Тўп ҳимоячига тегиб юқорилаб кетди!
- 1'
Учрашув бошланди!
- 0'
Футболчилар майдонга чиқиб келишмоқда. Учрашув бошланишига саноқли дақиқалар қолди.
- 0'
Ассалому алайкум, қадрли футбол ихлосмандлари! Испания Ла Лигаси 23-туридан ўрин олган "Барселона" - "Алавес" учрашуви старт олиш арафасида. Матнли трансляцияда сиз билан Абдулла Маннонов бирга бўлади.
Фикрлар