"Барселона" 19 ёшли ҳимоячи билан шартнома имзолайди

"Барселона" "Кустошия" футболчиси Микаил Фаени сотиб олади, дея хабар тарқатди Фабрицио Романо. Унинг трансфери Каталонияликлар учун 5 миллион еврога тушди. 

Журналистнинг таъкидлашича, 19 ёшли ҳимоячига "Боруссия" ва "Челси"дан қизиқишлар бўлган. Аристократлар тез орада унга таклиф билан чиқмоқчи эди, лекин сенегаллик футболчи Испанияни танлади.

Маълумот учун, Файе чапақай бўлиб, чап қанот ҳимоячиси сифатида ҳам ҳаракатлана олади. У қишда "Кустошия" таркибига келиб қўшилди ва жамоа таркибида 14 та ўйинда майдонга тушиб, 1 та гол уришга муваффақ бўлди.