"Барселона" "Атлетико"дан ҳам "зарба" қабул қилиб олди

Ла Лига 8-туридан ўрин олган "Атлетико" - "Барселона" баҳси якунига етди. Ушбу учрашувда майдон эгалари 2:0 ҳисобида рақибдан устун келди. 

Беллашувнинг 23-дақиқасида Лемар индивидуал маҳорат эвазига рақиб ҳимоясини ёриб кирди ва кучли зарбаси билан ҳисобни очишга муваффақ бўлди. Биринчи бўлим якунида собиқ "Барса" футболчиси Лемарнинг заргарона узатмасидан сўнг гол уриб, орадаги фарқни иккитага етказиб қўйди. 

Мазкур ғалабадан кейин "матрасчилар" очколари сонини 17 тага етказиб олган ҳолда, "Реал"га етиб олди. "Кўк-анорранглилар" ҳисобида ҳозирча 12 очко бор ва улар 9-поғонадан жой олган. 

• 90+3'
  

  Учрашув якунига етди. "Барселона" мазкур ўйинда "матрасчилар"га 0:2 ҳисобида имкониятни бой берди. 

• 90'

  Ўйиннинг асосий вақтига 3 дақиқа қўшиб берилди. 

• 88'

  "Барса" футболчиларининг ҳаволатиб жарима майдони бераётган узатмалари муваффақиятсиз чиқмоқда. 

• 87'

  Ўйин сўнгида каталонияликлар олдинга ўтишга ҳаракат қилмоқда. 

• 85'

  Депайнинг жаримадан тепган тўпи бироз ноаниқ чиқди. 

• 83'

  "Барса" яна бир жарима зарбаси тепиш имкониятига эга бўлди. 

• 80'

  Депай олисдан амалга оширилган узатмани тўхтата олмади. 

• 78'

  Депайнинг узатмасидан сўнг Пике бош билан зарба йўллади, бироқ ноаниқ. 

• 77'

  Коке Фатига нисбатан қўпол тарзда ўйин қоидасини бузди. 

• 75'
  

  Мингеса ва Гави ўрнига, Люк Де Йонг ва Пуч майдонга тушди. 

• 74'

  Гризманн яхши вазиятга чиқиб борди ва ўта ноаниқ пас берди. 

• 72'

  Шунингдек, Суарес ҳам майдонни тарк этди. Унинг ўрнини Корреа эгаллади. 

• 71'
  

  Гризманн Фелиш ўрнига майдонга тушди. 

• 68'

  Унинг зарбасидан сўнг тўп баландга учиб кетди. 

• 67'

  Фатига нисбатан ўйин қоидаси бузилди. 

• 63'
  

  Филиппе Коутиньонинг ўрнига Ансу Фати майдонга тушди. 

• 62'

  Дестнинг пасидн сўнг Облак тўпни эгаллаб олди. 

• 60'

  Коутинонинг дарвоза томон тепган тўпини Облак ушлаб олди. 

• 59'

  МИнгеса Каррасконинг зарба беришига имкон бермади. 

• 56'

  Майдон марказида "Барса" тўпни йўқотди. 

• 53'
  

  Майдон эгалари бурчак тўпи тепиш имкониятига эга бўлди. 

• 52'

  "Барса" тўлиқлигича тўпни назорат қилмоқда. 

• 49'
  

  "Барселона" бурчак тўпи тепиш имкониятига эга бўлди. 

• 46'
  

  Серхи Роберто Нико Гонсалес ўрнига майдонга тушди. 

• 45'
  

  Иккинчи бўлимга старт берилди. 

• 45+2'
  

  Биринчи бўлим якунига етди. Ҳозирча "матрасчилар" "Барселона"дан 2:0 ҳисобида устун келмоқда. 

• 45'

  Ўйиннинг асосий вақти якунига етди. Ҳозирча ҳакам ўйинга қанча қўшиб бергани аниқ эмас. 

• 44'
  

  Бирга-бир вазиятга чиқиб кетган Суарес орадаги фарқни иккитага етказиб қўйди. 

• 40'

  Гави ҳужумда ўйин қоидасини бузди. 

• 39'
  

  "Атлетико" бурчак тўпи тепиш имкониятига эга бўлди. Ҳимоячилар ўз ўрнида. 

• 38'

  Араухо қанотдан узатилган тўпни ўтказмади. 

• 36'

  Депайнинг узатмасидан сўнг Де Йонг бош билан зарба йўллай олмади. 

• 34'

  Депай қанотдан ёриб кираётган бир пайтда "матрасчилар" ҳимоячиси тўпни йўқотди. 

• 30'

  Коутиньонинг ажойиб пасидан сўнг Депай тўпни Де Йонгга қолдирди, бироқ нидерланд тўпга етиб кела олмади. 

• 28'

  Суарес дарвозабон билан яккама-якка вазиятга чиқиб борди. Бироқ унинг зарбаси устун ёнидан ўтиб кетди. 

• 27'

  Котиньонинг жарима майдони яқинидан йўллаган зарбаси бироз ноаниқ чиқди. 

• 24'

  ГОООООООЛ! Ўйинда ҳисоб очилди! Лемар Суареснинг пасидан сўнг куч билан тўпни дарвозага жойлаб қўйди. 

• 21'

  Коутиньо бирга-бир вазиятга чиқиб борди, бироқ Облак тўпга биринчи улгурди. 

• 20'
  

  Гави Лемарни қўпол тарзда йиқитди ва сариқ карточка билан огоҳлантирилди. 

• 18'

  Нико Гонсалеснинг зарбасидан сўнг тўп ҳимоячиларга тегиб майдонни тарк этди. 

• 16'

  Фелишнинг жарима майдончаси ташқарисидан йўллаган зарбасига бироз аниқлик етишмади. 

• 15'
  

  Мингеса оффсайд ҳолатида қолиб кетди. 

• 12'

  "Барселона" тўп назоратини ўз қўлига олди. 

• 10'

  Фелиш Арауходан осонлик билан ўтиб кетди, бироқ пас беришда у адашди. 

• 8'

  Лемарнинг узоқ масофадан йўллаган зарбасига аниқлик етишмади. 

• 7'

  "Барселона" бурчак тўпи тепиш имкониятига эга бўлди. 

• 6'

  Араухо Фелишга нисбатан ўйин қоидасини бузди. 

• 3'

  Депай Гавини яхши вазиятга чиқарди, бироқ ёш ярим ҳимоячи тўпга етиб кела олмади. 

• 0'

  Ла Лига 8-туридан ўрин олган "Атлетико" - "Барселона" ўйини старт олди. Мазкур ўйиндан матнли трансляцияни сайтимиз орқали кузатиб боришингиз мумкин.