“Barselona” “Ayntraxt” himoyachisini o‘z tarkibiga qo‘shib olmoqchi

“Barselona” yozgi transferlar oynasida tarkibni kuchaytirishga harakat qiladi. Klub “Ayntraxt” futbolchisi Evan N'Dikani erkin agent sifatida o‘z tarkibiga qo‘shib olishi mumkin. Bu haqda insayder Fabritsio Romano xabar bermoqda.

Ma’lum bo‘lishicha, 23 yoshli himoyachining mavsum so‘nggida klubi bilan amaldagi shartnomasi o‘z yakuniga etadi va yangi bitim borasida muzokaralar bormayapti.

“Diario Sport” nashri xabar berishicha, N'Dika “Barsa” bilan og‘zaki kelishib olgan. Frantsiyalik futbolchi ushbu mavsum “Ayntraxt” tarkibida 31 ta o‘yinda maydonga tushib, bitta golda ishtirok etdi.