"Барселона" "биллур оёқ" юлдузи билан янги шартнома имзоламоқчи

"Барселона" футболчиси Усман Дембеле жамоада қолиши мумкин. Бу ҳақда "Marca" нашри хабар бермоқда.

"Кўк-анорранглилар" бош мураббийи Рональд Куман клуб франциялик ярим ҳимоячи билан янги шартнома имзолаш ниятида эканлигини маълум қилди. 

"Биз Дембеле фаолиятини Каталонияда давом эттиришини истаймиз. Яқин кунларда у билан янги битим имзолаймиз. Раҳбарият бу муаммони ҳал қилиши керак",-деди нидерландиялик мутахассис. Аввалроқ, 24 ёшли футболчи хизматига "Ньюкасл" қизиқиш билдираётгани ҳақида хабарлар тарқалганди.

Дембеле каталонияликлар сафига 2017 йилда Дортмунднинг "Боруссия"сидан келиб қўшилган ва бу вақт оралиғида 118 ўйинда 30 та гол урган. Шунингдек, унинг ҳисобида 21 ассист мавжуд. Июнь ойида жароҳат олган футболчи жорий мавсум ҳали майдонга тушмади.