"Барселона" де Лигтни қўлга киритиш учун "Аякс"га 4 нафар футболчисини ижарага бериши мумкин

"Барселона" ва "Аякс" клублари голландиялик ҳимоячи Маттейс де Лигтнинг трансфери борасида музокараларни давом эттиришмоқда.

Catalunya Radio нашри тарқатган хабарга кўра томонлар нафақат 19 ёшли футболчининг товон пули ҳақида, балки, каталонияликларнинг бир нечта футболчисининг ижарасини ҳам муҳокама қилишмоқда.

Унга кўра “Барселона” де Лигтнинг трансферига бирданига 4 нафар футболчиси - Жан-Клер Тодибо ва Хуан Миранда (иккаласи ҳимоячи), шунингдек Ориоль Бускетс ва Рикард Пучларни (иккаласи ярим ҳимоячи) ижарасини ҳам киритиши мумкин.

Эслатиб ўтамиз, бундан аввалроқ “Барселона” де Лигт учун 60 млн евро таклиф қилаётгани, бироқ “Аякс” 100 млн евро талаб қилаётгани ҳақида хабарлар тарқалган эди.