“Барселона” де Йонг борасида бир қарорга келди

"Барселона" молиявий муаммоларни ҳал қилиш учун ярим ҳимоячи Френки де Йонг билан хайрлашишга қарши эмас.

Daily Mail нашри журналисти Саймон Жонснинг ёзишича, “кўк-анорранглилар” нидерландиялик футболчи борасида “Манчестер Юнайтед”дан расмий таклиф кутмоқда.

Эслатиб ўтамиз, де Йонг "қизил иблислар" бош мураббийи Эрик тен Ҳагнинг асосий трансфер мақсади ҳисобланади. Мутахассис аввалроқ ярим ҳимоячи билан Амстердамнинг “Аякс” клубида бирга ишлаган.

Қайд этилишича, “Барселона” де Йонгни 80 миллион евро эвазига сотишга қарши эмас.

Эслатиб ўтамиз, Френки якунига етган мавсум Испания Ла Лигаси доирасидаги 32 учрашувда иштирок этиб, ўз ҳисобига 3 гол ва 3 голли узатма ёздириб қўйган.