"Барселона" Дембелени "қурбон қилмоқчи"

“Барселона” ва “Интер” клублари аргентиналик ҳужумчи Лаутаро Мартинеснинг трансфери бўйича музокараларни фаол олиб боришмоқда.

Mundo Deportivo нашри тарқатган хабарга кўра, каталонияликлар Мартинеснинг трансферига қўшимча тарзда франциялик вингер Усмон Дембелени “нерадзуррилар”га беришга тайёр. Таъкидлаш керакки, 22 ёшли футболчи кетма-кет жароҳатлар сабаб “Барселона” сафида ўзини кўрсата олмаяпти.

Маълумот учун, Лаутаронинг товон пули 111 млн еврони ташкил этади. У жорий мавсум А Серияда 22 та ўйинда майдонга тушди ва 11 та гол ҳамда 4 та голли узатмага муаллифлик қилишга эришди.