"Barselona" etakchisi "Atletiko"ga qarshi o‘ynamasligi mumkin

"Barselona" Ispaniya Kubogi yarim finalining "Atletiko"ga qarshi bo‘ladigan navbatdagi o‘yinida Rafinyaning xizmatidan foydalana olmasligi mumkin.

Braziliyalik futbolchi yakshanba kuni La Liganing "Jirona"ga qarshi bahsida (4:1) zaxira o‘rindig‘ida qoldi.

Jurnalist Adriya Albetning xabariga ko‘ra, Rafinya nafaqat mushaklardagi noqulaylikni his qilmoqda, balki og‘ir yuklama tufayli jiddiy charchoqdan aziyat chekmoqda. Shu bois Xans-Diter Flik 2-aprel, chorshanba kuni bo‘lib o‘tadigan Ispaniya Kubogi yarim finali javob o‘yinida uni maydonga tushira olmasligi ehtimoldan xoli emas.

Eslatib o‘tamiz, jamoalar o‘rtasidagi dastlabki uchrashuv "ko‘k-anorranglilar" maydonida o‘tgan bo‘lib, 4:4 hisobida yakunlangan edi.