"Barselona" futbolchilarga uxlash bo‘yicha mutaxassis yolladi

"Barselona" murabbiylar shtabi futbolchilarning dam olishi va tiklanishiga koʻproq eʼtibor qarata boshladi.

Mundo Deportivo xabariga koʻra, joriy mavsumda Kataloniya klubi futbolchilarning shiddatli mashgʻulotlar va oʻyinlardan soʻng eng yaxshi tarzda tiklanishiga yordam berish uchun uxlash boʻyicha mutaxassisni taklif qilgan.

Qayd etilishicha, uyqu boʻyicha mutaxassisning roli mavsumoldi yigʻinlari va safar oʻyinlarida vaqt mintaqalarining oʻzgarishi bilan bogʻliq boʻlib, jamoa erta tongda qaytadi, chunki kun tartibining buzilishi stress, tashvish va charchoqni keltirib chiqarishi mumkin. Bundan tashqari, futbolchilarning ovqatlanishiga ham alohida eʼtibor qaratiladi - futbolchilar mashgʻulot bazasida nonushta qilishadi, shuningdek, mashgʻulotlarga oʻzlari bilan yegulik olib kelishlari mumkin.