"Барселона" футболчиларга ухлаш бўйича мутахассис ёллади

"Барселона" мураббийлар штаби футболчиларнинг дам олиши ва тикланишига кўпроқ эътибор қарата бошлади.

Mundo Deportivo хабарига кўра, жорий мавсумда Каталония клуби футболчиларнинг шиддатли машғулотлар ва ўйинлардан сўнг энг яхши тарзда тикланишига ёрдам бериш учун ухлаш бўйича мутахассисни таклиф қилган.

Қайд этилишича, уйқу бўйича мутахассиснинг роли мавсумолди йиғинлари ва сафар ўйинларида вақт минтақаларининг ўзгариши билан боғлиқ бўлиб, жамоа эрта тонгда қайтади, чунки кун тартибининг бузилиши стресс, ташвиш ва чарчоқни келтириб чиқариши мумкин. Бундан ташқари, футболчиларнинг овқатланишига ҳам алоҳида эътибор қаратилади - футболчилар машғулот базасида нонушта қилишади, шунингдек, машғулотларга ўзлари билан егулик олиб келишлари мумкин.