"Барселона" футболчилари бош мураббийдан норозими?

"Барселона" Ла Лига 21-тури доирасида меҳмонда "Валенсия"га мағлуб бўлди. Ушбу мағлубият жамоа ички муҳитига ёмон таъсир қилиши мумкин, дея хабар бермоқда Испаниянинг Sport.es нашри.

"Кўк-анор рангликлар" футболчиларига Кике Сетьен ўз услубини жамоага етказиш учун кўпроқ назарияга вақт сарфлаётгани, шунингдек учта марказий ҳимоячи билан ўйнаш фикри маъқул келмаяпти.

Эслатиб ўтамиз, "кўршапалаклар" билан ўйиндан сўнг "Барселона" Испания чемпионати турнир жадвалида иккинчи ўринга тушиб кетди.