"Барселона" футболчиси Испания Суперкубоги тарихига кирди

"Барселона" ярим ҳимоячиси Анссумане Фати Испания Суперкубоги ярим финали "Атлетико"га қарши ўйиннинг 88 дақиқасида заҳирадан майдонга тушди.

Кеча 17 ёш ва 70 кунлик бўлган Испания ёшлар терма жамоаси аъзоси турнирнинг энг ёш футболчиси номи билан турнир тарихига кирди.

Фати 1999-йил "Барселона" таркибида Испания Суперкубогида 17 ёш 117 кунлик бўлганида тўп сурган Нано Родилью натижасидан ўзиб кетди.

Олдинроқ, Фати Ла Лигада бир ўйинда гол ва голлик узатма берган энг ёш футболчи ва Чемпионлар лигасидаги энг ёш гол муаллифи бўлган футболчи унвонларига эга чиққан эди.