"Барселона" ҳимоячиси билан хайрлашганини эълон қилди
"Барселона" расман 34 ёшли ҳимоячи Иньиго Мартинес билан хайрлашди.
Испаниялик футболчи каталонияликлар сафида икки мавсум тўп суриб, барча мусобақаларда жами 71 ўйинда майдонга тушди. Мазкур тўқнашувларда 3 гол урди ва 6 та голли узатмани ўз ҳисобига ёздириб қўйишга муваффақ бўлди.
Мартинес кўк-анорранглиларни тарк этиб, Саудиянинг "Ан-Наср" клубига бориб қўшилмоқда. Маълумотларга кўра, футболчининг трансфери саудияликлар томонидан яқин соатлар ичида эълон қилиниши мумкин.
Фикрлар