"Барселона" ҳужумчисини сотувга қўйди

"Барселона" жамоаси вингер Абде Эззалзулини сотувга қўйди. Бу ҳақда "SPORT" нашри хабар берди. 

Манба берган маълумотга кўра, "кўк-анорранглилар" 21 ёшли футболчини 35 миллион еврога баҳоламоқда. Таклифлар келиб тушса, клуб уни сотиб юборишга тайёр. 

Қайд этиш лозим, ўтган мавсумни "Осасуна" сафида ижарада ўтказган футболчи Ла Лига доирасида 28 та учрашувда майдонга тушиб, 4 та гол ҳамда 2 та ассист муаллифига айланган.