"Барселона" икки қанотини алмаштирмоқчи

Катта ўзгаришлар остонасида турган "Барселона" қанотларни кучайтирмоқчи.

"Diario Sport" нашри тарқатган хабарга кўра, клуб ёзги трансфер ойнасида ўнг ва чап қанотга ҳимоячи олиб келишни режалаштирган. Бош мураббий Хави Сержиньо Дестни келаси мавсум режаларига киритмаяпти. Аввалроқ, унинг ўрнига "Аякс"дан Нуссаир Мазрауи сотиб олиниши ҳақида хабар бергандик.

Хорди Альба ўрнига эса, "Валенсия" футболчиси Хосе Гайя олиб келиниши мумкин. Испаниялик фулбекнинг "кўршапалаклар" билан амалдаги шартномаси 2023 йилнинг ёзида якунига етади. 

Маълумот учун, каталонияликлар "Манчестер Сити" вингери Ферран Торрес билан келишувга эришди.