«Барселона» ЖЧдан сўнг Альварес учун «Атлетико»га 130 млн евро таклиф қилади

«Барселона» ва Мадриднинг «Атлетико» жамоаси ўртасида ҳужумчи Хулиан Альварес трансфери бўйича музокаралар давом этмоқда. Sport.es нашрининг ёзишича, каталонияликлар 2026 йилги жаҳон чемпионати якунланганидан сўнг футболчини сотиб олиш учун 130 миллион евро таклиф қилишни режалаштирмоқда.

Манба маълумотига кўра, бу — «Барселона» тайёр бўлган энг юқори миқдор. Клуб 150 миллион евро атрофидаги суммага чиқишни режалаштираётгани йўқ. Шунга қарамай, «Атлетико» раҳбарияти Хулиан Альвареснинг «Камп Ноу»га ўтиш истагига ишончини сақлаб қолмоқда.

Ўтган мавсумда Альварес барча мусобақалар доирасида 49 та ўйинда майдонга тушди. У шу вақт мобайнида 20 та гол урди ва 9 та голли пас берди. Ҳужумчининг амалдаги шартномаси 2030 йил ёзигача мўлжалланган. Transfermarkt портали маълумотларига кўра, футболчининг бозор қиймати 100 миллион еврога баҳоланмоқда.