"Барселона" Лионель Мессининг жароҳати бўйича расмий баёнот берди

"Барселона" расмий матбуот хизмати жамоа сардори Лионель Мессининг жароҳати ва унинг ҳолати ҳақида расмий баёнот берди.

"Мессининг ўнг оёқ болдирларида кичик жароҳат бор. Бугундан у якка тартибда шуғулланишни бошлади ва мавсум рестартигача кераксиз хавфлардан қочиш учун махсус машқларни бажарди.

Лео бир неча кундан сўнг асосий жамоага қўшилиши керак", - дейилади клуб баёнотида.

Олдинроқ, испан матбуоти Месси жароҳат сабаб "Мальорка"га қарши ўйинни ўтказиб юбориши мумкинлиги хабар қилинган эди.