"Барселона" машғулотларда жароҳат олган футболчиси бўйича баёнот берди

"Барселона" Х ижтимоий тармоғидаги саҳифасида жамоа ярим ҳимоячиси Гавининг ўнг тиззасида маълум муаммолар борлиги ҳақида маълум қилди. 21 ёшли футболчи 31 август, якшанба куни бўлиб ўтадиган Испания чемпионати 3-туридан ўрин олган "Райо Валекано"га қарши ўйинни ўтказиб юборади.

Аввалроқ, Гави тиззасидаги ноқулайлик туфайли "кўк-анорранглилар"нинг жума кунги машғулотларини муддатидан олдин якунлагани ҳақида хабар берган эдик. Таъкидланишича, ярим ҳимоячи 2023 йилдаги каби оёғидаги хочсимон боғламларни узган бўлиши мумкин.

Гави жорий мавсум Ла Лигада 2 та ўйинда майдонга тушди ва 1 та голли узатмани амалга оширди. Футболчининг клуб билан амалдаги меҳнат шартномаси 2030 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 60 млн еврони ташкил этади.